На працягу апошніх трох месяцаў мастоўскія энергетыкі актыўна займаюцца эканоміяй электраэнергіі. Паўсюдна ў горадзе ноччу не ўключаецца асвятленне, што стварае вялікія нязручнасці асабліва для рабочых ААТ "Мастоўдрэў". На працу і з працы ім даводзіцца хадзіць чуць ці не навобмацак. У адну з такіх начэй не размінуліся дзве жанчыны, што ехалі з працы на роварах. Адна з іх нават патрапіла ў шпіталь. Цяпер усё ж асвятленне пачалі ўключаць, але толькі ў час, калі мяняюцца змены.