У цэнтральнай раённай бібліятэцы адбылася прэзентацыя кнігі дырэктара музея Адама Міцкевіча Міколы Гайбы.

Вядомы гісторык прадставіў сваю працу пад назвай "Могілкі і пахаванні ў Навагрудку". У ёй прасочана гісторыя вядомых і мяркуемых пахаванняў г. Навагрудка ад часу яго ўзнікнення ў Х ст. да нашых дзён. Кніга з'яўляецца, бадай, самым дакладным даведнікам для тых, хто цікавіцца падобнай тэмай.