Звяртаемся да вас з нагоды надзвычайнай небяспечнай падзеі, да якой рыхтуюцца рэакцыйныя сілы Расіі разам з збанкрутаваным рэжымам Лукашэнкі. 10-12 траўня ў Гродне яны збіраюцца правесці чарговую сэсію Парламентскага сходу Саюза Беларусі і Расіі. На ёй плануецца прыняць дагавор аб аб’яднанні дзьвух краін у адзиную дзяржаву, у выніку чаго наша Беларусь будзе перададзена ў поўнае карыстанне Расіі.Наскрозь ілжывая прапаганда ў афіцыйных сродках масавай інфармацыі не ў стане схаваць праўду. Рыхтуецца пазбаўленне 10-мільённага беларускага народа будучыні праз знішчэнне яго дзяржавы. "Саюз" патрэбны ў першую чаргу расійскаму кіраўніцтву, бо Беларусь - вельмі каштоўная тэрыторыя і будзе выкарастана як буферная зона ў супрацьстаянні з НАТА. Акрамя таго, робіцца разлік, што "уз’яднанне" адцягне ўвагу грамадзян Расіі ад іхняга гаротнага становішча ў раскрадзенай, крымінальнай краіне, у якой перыядычна ўспыхваюць ваенныя канфлікты. Яшчэ ў большай ступені "Саюз" патрэбны сучаснаму беларускаму рэжыму. Знішчаўшы Беларусь, як самастойную дзяржаву, А.Лукашэнка і яго акружэнне разлічваюць пазбегчы адказнасці за той развал эканомікі, які з’яўляецца адзіным "дасягненнем" 5-гадовага прэзідэнцтва. І першыя і другія спяшаюцца выкарыстаць момант, калі ўвага міжнароднай грамадскасці звернута да падзей на Балканах.

30 красавіка 1999 г.