Падчас сёлетняга купальнага сезона ў вадаёмах Гродзенскай вобласцi загiнулi 128 чалавек, сярод iх 10 дзяцей. Статыстыка Гродзенскай водна-ратавальнай службы сведчыць, што ў 70% выпадкаў людзi тонуць, знаходзячыся ў нецвярозым стане.

Па словах начальнiка Гродзенскай водна-ратавальнай службы Таварыства ратавання на водах РБ Iвана Леановiча, большасць трагедыяў адбылася падчас купання ў непрыстасаваных пад пляжы ўчастках Нёману. Дзевяць з дзесяцi дзяцей загiнулi з-за нядбайнасцi бацькоў. У той жа час на прыстасавыных для купання ўчастках вадаёмаў, дзе працуюць ратавальныя станцыi, за лета ўдалося прадухiлiць смерць 86-цi чалавек.