Зараз у Парэчскай школе-iнтэрнаце выхоўваюцца 194 дзiцяцi, прычым, тром з iх па тры гады. Толькi ў 13 дзяцей няма абодвух бацькоў, астатнiя трапiлi сюды з нагоды таго, што бацькоў пазбавiлi iх правоў. Як зазначыў дырэктар iнтэрната Сяргей Падаляк, бацькi да дзяцей наведваюцца рэдка. Цяпер на святы некаторых дзетак забралi ў сем’i гродзенцы i жыхары раёна, яшчэ частка з iх паехала на адпачынак у Iталiю. Дарэчы, цукеркi з iншымi ласункамi парэчскiя дзеткi атрымалi i ад iтальянцаў. Ужо некалькi гадоў запар арганiзацыя «Гардала» стараецца дапамагаць сiротам.

У гэты ж дзень дабрачынную акцыю правялi i вучнi школы №28 з Гродна. Цiкава, што дзецi сабралi не толькi навагоднiя ласункi, яны прывезлi вопратку i цацкi, якiмi самi ўжо не карыстаюцца. Да ўсяго, старшакласнiкi паказалi навагоднi канцэрт з Дзедам Марозам, Снягуркай i iншымi казачнымi героямi.

Падтрымалi дзетак на святы i шэфы з «Райаграпрамсервiсу», пералiчыўшы на рахунак iнтэрната 700 тысяч рублёў, даслалi падарункi студэнты хiмiка-тэхналагiчнага коледжу i работнiкi «Гроднааблбыту».

Праўда, гэта ўсё на святы, а вось у будзенныя днi няма за што набыць нават вогнетушыцелi, пажарныя iнспектары штрафуюць дырэктара. На наступны год з бюджэта выдзелiлi толькi 900 млн рублёў, а па самых сцiплых падлiках на год неабходна 1млрд 400 мiльёнаў. I як будзе пражыць год? У гэтым годзе ў iнтэрнаце 36 выпускнiкоў, а iх трэба апрануць на выпускны вечар i годна выпусцiць у людзi. Спадзяваннi толькi на фундатараў, якiх становiцца ўсё менш i менш. Начальства ў iнтэрнат прыязджае рэдка.

Валеры Фралоў, слухаючы праблемы дырэктара, супакойваў яго i сказаў, што ў блiжэйшы час купiць дзецям спартовыя касцюмы, а на весну дапаможа набыць выпускнiкам добрую вопратку.

Калi мы вярталiся з Парэчча, дэпутат сумна заўважыў, што калi не прыехаць сюды да гэтых дзетак, дык i спаць не можаш спакойна.

Мiхаiл КАРНЕВIЧ