Па крупiнках, штодня гродзенскiя ветэраны ствараюць музей Васiля Быкава. Арганiзаваў гэтую справу Мiкалай Мельнiкаў, былы выкладчык лiтаратуры ў Гродзенскiм дзяржаўным унiверсiтэце iмя Янкi Купалы.

Музей ствараецца ў невялiчкiм памяшканнi офiса ветэранаў вайны, працы i Узброеных сiлаў на вулiцы Савецкай. Дарэчы, ветэраны незаўсёды могуць нават заплацiць за гэтае памяшканне. Яны неаднойчы звярталiся да мясцовых уладаў з тым, каб увекавечыць па-мяць славутага пiсьменнiка, прасiлi пераназваць бульвар Ленiнскага камсамола iмем Быкава, назваць адну з школак, заснаваць штогадовую прэмiю ў галiне лiтаратуры i журналiстыкi, пасмяротна надаць пiсьменнiку званне ганаровага грамадзянiна Гродна. Аднак, улады так i не адклiкнулiся на прапановы ветэранскай арганiзацыi.