З першага кастрычніка на КПП "Катлоўка" і "Гоша" часова прыпыняецца мясцовы збор з замежных уладальнікаў аўтамабіляў, якія перасякаюць беларуска-літоўскую мяжу. Падобны крок мясцовыя ўлады зрабілі выконваючы прэзідэнцкі указ "Аб упарадкаванні збірання збораў за праезд аўтатранспартных сродкаў па тэрыторыі Рэспублікі Беларусь". Што тычыцца літоўцаў, то для іх гэта добрая навіна - цяпер ім не трэба будзе развітвацца з пяццю доларамі толькі за тое, што пераехаў шлагбаўм. Мясцовы бюджэт, вядома, прайграе. Але самае цікавае, што невядома, які новы падатак могуць увесці улады за перасячэнне мяжы, скажам, праз месяц. І хто ад гэтага выйграе?