Аб конкурсе для прыватнікаў, якія займаюцца пасажырскімі перавозкамі на маршрутных таксі, абвясціў Гродзенскі гарвыканкам. Адбудзецца конкурс трэцяга лютага. Да ўдзелу запрошаны ўсе зацікаўленыя,-- як фізічныя,так і юрыдычныя асобы. Сёння ў Гродне ліцэнзіі на перавозку пасажыраў ёсць у шасцідзесяці фірм і прыватных прадпрыймальнікаў. І жадаючых займацца гэтым відам паслуг становіцца ўсё больш. Праўда, перавагу яны аддаюць тым маршрутам, на якіх можна зарабіць. Скажам, больш выгодныя перавозкі з чыгуначнага і аўтобуснага вакзалаў на рэчавы рынак. Раней на гэтых маршрутах працавалі ўсе, хто мае ліцэнзію. Цяпер гэта вырашаць будуць гарадскія ўлады. Ці палепшыцца толькі абслугоўванне пасажыраў? Вялікае пытанне…

П.КАРПАЎ