М. Забэйда запісаў на грампласцінкі першыя ў Заходняй Беларусі і, наогул, у Польшчы беларускія народныя песні, якія, дзякуючы яму, сталі папулярнымі сярод шырокіх колаў насельніцтва.

Чым жа яшчэ, акрамя папулярызацыі песеннай спадчыны народа ў выдатнага майстэрства выканаўцы, было напоўнена яго жыццё. Перш за ўсё тым, што ён, як і многія людзі, якія эмігрыравалі ў свой час, застаўся верным Бацькаўшчыне. У цяжкія гады ваеннага ліхалецця дапамагаў сродкамі ад канцэртаў партызанам-суайчыннікам. У сваім запавеце ён папрасіў, каб усё вартае, што пасля яго застанецца было вернута на Радзіму... Пахаваны наш славуты зямляк у Празе, на Альшанскіх могілках. Дарэчы, удзячныя чэхі апякуюцца яго магілкай.