Астравец

У мінулую суботу ў райцэнтры адбыўся пікет пад назвай "Маю права".

За дазволам на яго правядзенне ў выканкам звярнулася шэсць чалавек. Трэба заўважыць, што раней падобныя звароты ў выканкам сканчаліся забаронай акцый. Цяпер улады дазволілі пікет, праўда не на пляцы Леніна, як гэтага прасілі людзі, а на гарадскім стадыёне. На пікет сабралася каля дзесяці чалавек. Народ цікавіўся ў пікетоўцаў у асноўным эканамічнымі і палітычнымі праблемамі краіны. Вяліся дыскусіі. Шкада толькі, што на акцыю не прыйшлі кіраўнікі раёна, якіх таксама запрашалі. А намеснік старшыні выканкама па грамадска-палітычнай інфармацыі праседзела ўсю акцыю ў міліцэйскай машыне - назірала.