У суботу адбудуцца папярэднія заезды, а ў нядзелю з трынаццаці гадзін будуць стартаваць сорак мацнейшых экіпажаў. Яны прадстаўляюць чатырнаццаць краін, сярод якіх Вялікабрытанія, Бельгія, Галандыя, Люксембург, Швецыя, Чэхія, краіны Балтыі. Цікава, што заакіянскія гоншчыкі не бяруць удзелу ў чэмпіянаце. Пад пытаннем і старт у Ваўкавыску беларускага экіпажу. Вельмі сур'ёзная падабралася кампанія і пакуль у нашых спартсменаў у гэтым класе матацыклаў няма ніякіх шанцаў на поспех.

Пры падрыхтоўцы да спаборніцтваў у гаспадароў чэмпіянату праблемаў было нямала, асабліва фінансавая. Зарабляць грошы на такіх імпрэзах, каб яны цалкам сябе акупалі,мы яшчэ не навучыліся.Хаця арганізатары абвясцілі аб продажы білетаў заранёў, кожны з якіх будзе каштаваць усяго дзвесце рублеў. Плануецца розыгрыш латэрэі, значны прыбытак павінен прынесці гандаль.

Вялікая цікавасць да гэтага чэмпіянату і з боку мас-медыя. Павінна прыехаць здымачная група галандскага тэлебачання, якая падрыхтуе рэпартаж для еўрапейскіх аматараў мотаспорту.

М.ПАЎЛОЎСКІ