Кіраўнік Кансультатыўнай назіральнай групы АБСЕ ў Мінску з павагай ставіцца да рашэння, прынятага Кангрэсам дэмакратычных сілаў аб няўдзеле апазіцыйных палітычных партый у восенскіх парламенцкіх выбарах, аднак лічыць такое стаўленне не зусім палітычна мудрым. На яго думку, без новых людзей у парламенце не можа быць ніякіх зменаў у краіне, а значыцца будзе расці залежнасць Беларусі ад Расіі. Аб гэтым спадар Вік заявіў на мінулым тыдні ў Гродне падчас сустрэчы з прадстаўнікамі палітычных партый і грамадскіх арганізацый.

Мэта яго візіта ў наш горад - стварэнне абласной структуры назіральнікаў на прадстаячыя выбары. На думку спадара Віка, свету трэба дакументальна паказаць іх праўдзівасць і дэмакратычнасць. Мясцовыя апазіцыянеры, у сваю чаргу, стараліся давесці дыпламату, што ў любых умовах улада ўсяроўна сфальсіфікуе вынікі выбараў, так як гэта было на двух ранейшых рэферэндумах.