Гродзенскі гарвыканкам адмовіў у правядзенні заяўленага 8 кастрычніка на Савецкай плошчы агульнагарадскога мітынга "За справядлівыя і дэмакратычныя выбары".

Ініцыятарамі яго правядзення выступілі 22 жыхары горада Гродна, кіраўнікі дэмакратычных грамадскіх і палітычных арганізацый горада, аб'яднаных у "Гродзенскую ініцыятыву". Забарону правядзення мітынгу гарвыканкам матывуе тым, што адзін з заяўшчыкаў, кіраўнік Гродзенскай арганізацыі БНФ "Адраджэньне" С.Мальчык "... не аднойчы дапускаў парушэнні дзеючага заканадаўства пры правядзенні аналагічных мерапрыемстваў". Такім чынам, гарадскія ўлады спрабуюць абвінаваціць арганізатараў у яшчэ не здзейсненых правапарушэннях. Гэтае рашэнне гарвыканкама парушае не толькі ўсе маральныя, але і юрыдычныя каноны.