Каму чакаць, а каму і адразу...
14 гадоў давялося стаяць на чарзе на атрыманне жылля ў Зэльве ліквідатару Чарнобыльскай аварыі, інваліду трэцяй групы Градскаму.
Прычым атрыманне кватэры стала магчымым толькі пасля таго, як у справу ўмяшаліся прадстаўнікі мясцовага БНФ і БХК. Аднак пасля гэтага ў І.К.Градскага пачаліся праблемы на працы: начальства "Зэльваэнергабуда", у прыватнасці галоўны інжынер, пачаў чапляцца да рабочага па незразумелых прычынах.
Цікава, што некалькі месяцаў таму ў Зэльву быў прызначаны новы старшыня райвыканкама Л.Эльяшэвіч. Яму не трэба было чакаць на жыллё. Сродкі на пакупку дома выдзяліў аблвыканкам адразу, прычым, па словах добразычліўцаў, немалыя - каля 20 тысяч даляраў.
Е.ЛЕНЕЦ
|