Штогадовы ўсебеларускі фэст, прысвечаны памяці нацыянальных герояў беларускага вызвольнага руху 1863-1864 гг адбудзецца 22 кастрычніка ў раённым цэнтры Свіслач.

У межах фэсту адбудзецца ўскладанне кветак на магілу Каліноўскіх, святочны мітынг і шэсце. Пасля ўдзельнікі наведаюць вёску Якушоўка, дзе знаходзіцца былы маёнтак Каліноўскіх. Там адбудзецца ўрачыстае асвячэнне крыжа, усталяванага летась каля маёнтка. Потым адбудзецца канцэрт беларускіх бардаў, у тым ліку Віктара Шалкевіча, Зміцера Бартосіка, Андрэя Мельнікава і інш. Акрамя таго, на фэст запрошаныя Уладзімер Арлоў, Рыгор Барадулін, Станіслаў Шушкевіч, прадстаўнікі палітычных партый і грамадзкіх аб'яднанняў.