У мінулую суботу ў Гродзенскай Барыса-Глебскай царкве адбыліся паэтычныя чытанні. Яны былі прысвечаны 90-м угодкам з дня нараджэння паэткі Ларысы Геніюш.

Святар узгадаў таксама пра дзве значныя даты: 2000-годдзе хрысціянства і 100-я ўгодкі заснавання Гродзенскай епархіі. Чытанні вершаў, успамінаў, дзённікавых запісаў, паэмы, прысвечанай Ефрасінні Полацкай, перапыняліся спевамі хору «Бацькаўшчына». На імпрэзу сабралася і праваслаўная і каталіцкая інтэлігенцыя. Напрыканцы імпрэзы ўсе былі запрошаныя на беларускую імшу, якая адбудзецца ў Каложы ў нядзелю.