Кiраўнiцтва Ашмянскага райвыканкама шляхам пагрозаў патрабуе ад жыхароў вёскi Мураваная Ашмянка, каб яны забралi свае подпiсы за вылучэнне мясцовай настаўнiцы ў раённую камiсiю па выбарах прэзiдэнта РБ.

Загадчык аддзела арганiзацыйна-кадравай работы Валерый Сайко разам з галоўным урачом райбальнiцы Уладзiмiрам Макарэвiчам наведалi вёску дазнаўшыся пра незапланаванае вылучэнне.Мясцовыя калгаснiкi, урачы i настаўнiкi сабралi 36 подпiсаў за вылучэнне Марыi Матвейка ў Ашмянскую раённую камiсiю па выбарах прэзiдэнта РБ. Згодна закона дастаткова 30 подпiсаў. Раённаму начальству гэта вельмi не спадабалася.Адбылася размова пасланнiкаў раёна з жыхарамi вёскi Мураваная Ашмянка. Мясцовыя людзi добра напалохалiся. Стала вядома, што частка з iх мусiла забраць свае подпiсы.