Рэдакцыя газеты «Бiржа iнфармацыi» рада павiншаваць ўсiх нашых чытачоў, якiя праз некалькi дзён будуць адзначаць Нараджэнне Хрыстова.

Нам вельмi хочацца, каб гэта цудоўнае хрысцiянскае свята – Каляды, вы сустрэлi, як гэта заўсёды старалiся рабiць нашы продкi: у сям’i, з добрым настроем i багатым сталом, з Богам у сэрцы i верай у праўду, з надзеяй на лепшае i з любоўю да блiжняга, з памяццю пра Радзiму i яе будучыню. А сённяшнi нумар нашай газеты выкарыстайце, як аплатку, падзялiцеся з тымi, хто яе яшчэ не чытаў. Вясёлых вам святаў, моцнага здароўя i шчасця ў кожную душу!