Конкурс iмя Наталлi Арсенневай

РГА "Беларускi ПЭН-цэнтр" пры падтрымцы Беларускай асацыяцыi журналiстаў, газетаў "Белорусская деловая газета", "Биржа информации", "Барысаўскiя навiны", "Брестский курьер", "Витебский курьер", "Вечерний Брест", "Вольны час", "Газета Слонiмская", "Де-факто", "iнтэкс-press", "Молодежный проспект", "Навiнкi", "Народная воля", "Наша Нiва", "Наша слова", "Новая газета Сморгони", "Новы час", "Переходный возраст", "Рунь", "Рэгiянальная газета", "Телевид-инфо", часопiсаў "Arche", "Студэнцкая думка", "Дзеяслоў", "Мясцовы час", iнтэрнет-выданняў "Лiтара.net", "Кнiгi.com", "Дзед Талаш", "BARCnews.org", "Пагоня.promedia.by" аб'яўляе творчы конкурс для маладых лiтаратараў.

Да ўдзелу запрашаюцца творцы ад 14 да 24 гадоў (на момант абвяшчэння конкурсу). Лаўрэаты конкурсу будуць запрошаныя на лiтаратурны семiнар i майстар-класы ў Мiнск, дзе перад iмi выступяць знаныя пiсьменнiкi, выкладчыкi ВНУ, вучоныя, барды, рок-спевакi, адбудзецца зацiкаўленая гутарка аб iх творах i лiтаратурнай дзейнасцi. Прызам для пераможцы конкурсу стане выданне ягонае кнiгi.