У Гродзенскiм абласным тэатры лялек у сакавiку адзначаюць Дзень тэатра. З гэтае нагоды ў тэатры распачалiся гастролi мiнскага i варшаўскага тэатраў. Аб тым, як i калi гэта будзе адбывацца распавядае галоўны рэжысёр Гродзенскага тэатра лялек Мiкалай Андрэяў:

– Месяц сакавiк – для тэатра крыху асаблiвы: на яго прыходзiццца Дзень тэатра, да ўсяго ж – гэта яшчэ i пачатак вясны. Да нас прыедуць тэатры, з якiмi мы сябруем: Беларускi дзяржаўны тэатр лялек з Мiнска i Варшаўскi тэатр лялек «Гулiвер». Мы падумалi i вырашылi запрасiць iх да нас, каб неяк ажывiць тэатральнае жыццё. Мы не называем гэта фестывалем. Нагадаю гледачам, што мiнскi тэатр пакажа свае спектаклi з 11 па 16 сакавiка, а варшаўскi з 25 па 30. Дарэчы, «БI» заўсёды змяшчае рэпертуар у Гродзенскай афiшы, сачыце. Спадзяюся, што гледачы будуць вельмi задаволеныя.