У Слоніме памёр старэйшы беларускі паэт, член Саюза беларускіх пісьменнікаў Анатоль Іверс (Іван Дарафеевіч Міско).

Яго ведалі ўсе: ад школьніка да настаўніка, ад рабочага да інтэлігента. Чалавек-гісторыя. Вельмі шчыры, сумленны, таленавіты. Ён пражыў доўгае, але нялёгкае жыццё. А калі знаходзіў вольны час - пісаў вершы. Першы паэтычны зборнік "Песні на загонах" пабачыў свет яшчэ ў 1939 годзе. Пасля былі новыя кнігі, шматлікія артыкулы і ўспаміны.