У мінулую суботу нашы калегі з газеты "Glos znad Niemna" адзначылі сваё дзесяцігоддзе. Урачыстасць адбывалася ў памяшканні Гродзенскага абласнога драматычнага тэатра.

Першы нумар газеты дзесяць гадоў таму быў аддрукаваны ў Вільнюсе, як дадатак да польскамоўнага выдання "Чырвоны штандар". Пазней вёрстка газеты рабілася ў Беластоку, але ў хуткім часе рэдакцыя здолела цалкам рабіць усю працу ў Гродне. Аб гэтых дзесяці гадах дзейнасці ўзгадваў старшыня Саюза палякаў Беларусі Тадэвуш Гавін, шмат цёплых слоў калектыву рэдакцыі выказалі і шматлікія госці з Польшчы. Сапраўды за гэтыя дзесяць гадоў газета вырасла вельмі значна. На яе старонках можна пазнаёміцца з палітычнымі, эканамічнымі і культурніцкімі навінамі як з Польшчы так і з Беларусі. Калектыў рэдакцыі складаецца ў асноўным з моладзі, і безумоўна мае перад сабой вялікія перспектывы.