Масты

У некалькiх нумарах запар «БИ» паведамляла аб справе непаўналетняга Максiма Хандогi, якi пасля наведвання мастоўскага РАУС быў дастаўлены ў бальнiцу, дзе яму зрабiлi аперацыю i выдалiлi селязёнку. Хлопец заявiў, што ў раённым аддзяленнi РАУС яго збiлi мiлiцыянеры. Справай займаецца абласная пракуратура.

Як паведамляла «БИ» у мiнулым нумары, следчы абласной пракуратуры А.Громаў правёў очныя стаўкi пацярпелага з падазраваемымi, падчас якiх апошнiя адмаўлялiся ад таго, што яны збiвалi Максiма. Больш таго, судмедэксперт заключыў, што цялесныя пашкоджаннi маглi быць нанесены Максiму i тры днi раней, калi адбылася бойка побач з раённым Домам культуры, у якой быццам удзельнiчаў хлопец. Аднак на руках пацярпелага засталiся сляды ад кайданкаў. Максiм сцвярджае, што на яго адзелi не толькi кайданкi, але i звязалi вяроўкаю ногi, а потым бiлi, каб ён даваў паказаннi. У сваю чаргу мiлiцыянеры тлумачаць, што надзелi кайданкi дзеля таго, каб ён не ўцёк з памяшкання. Дарэчы, у мiлiцыю Максiм прыйшоў сам з бацькамi свайго сябра, яго нават не выклiкалi позваю.