| Мифы | Авторынок | Гостевая | Редакция | Контакт | Архив |
 |
|
| Обновление каждый четверг | |
|
Ваўкавыск Горад без гербаНа працягу сямi гадоў дэпутаты Ваўкавыскага райсавета не могуць зацвердзiць герб раённага цэнтра. Не здолелi яны гэта зрабiць i на апошняй сесii райсавета.
З 1979 года гербам горада лiчылася выява ваўка ў поўны рост на зялёным фоне з недарэчнай шэсцярней i калоссямi. Такую кампазiцыю прапанаваў у 1979 годзе мясцовы мастак Уладзiмiр Птушкевiч. У 1994 годзе пасля пастановы Саўмiна дэпутаты, тады яшчэ гарсавета, прыйшлi да высновы, што даны герб зроблены са шматлiкiмi парушэннямi агульнапрынятых нормаў геральдыкi. Пытанне тады разглядалася двойчы, але так i засталося адкрытым. Распрацоўку даручылi спецыяльнай камiсii.
Цяпер перад дэпутатамi паўстаў герб з выявай ваўка на блакiтным фоне ў поўны рост. Аднак, абраннiкаў народа не задаволiла, што воўк занадта худы, ды i блакiтны фон недарэчы. Некаторыя наогул заявiлi, што выява ваўка на гербе не адпавядае жыхарам горада.
Як высветлiлася, гэтая выява была ўзята з оццiска пячаткi Ваўкавыска, якi захаваўся ў архiвах Радзiвiлаў. Агульнавядома таксама, што з 1633 года ўсе ваўкавыскiя пячаткi змяшчалi галаву ваўка. Дарэчы, вядома i легенда, звязаная з ваўкамi. Дэпутаты не ўзялi гэтых фактаў пад увагу i зрабiлi запыты ў Нацыянальны архiў Беларусi, а таксама ў Архiў старажытных актаў у Варшаве, адкуль iм адказалi, што апiсанне герба Ваўкавыска не захавалася. Не захавалася таксама метрыкi Ягелончыка аб наданнi Ваўкавыску Магдэбургскага права. Зыходзячы з гэтага дэпутаты вырашылi намаляваць новы сучасны герб горада, як гэта зараз робiцца ў многiх гарадах Беларусi. Цiкава, якiм ён будзе?
А.КАНАПЕЛЬКА |
|