Афiцыйныя ўлады запускаюць механiзмы фальсiфiкацыi вынiкаў прэзыдэнцкiх выбараў. Менавiта так пракаментаваў каардынатар мiжпартыйнага цэнтру Вячаслаў Сiўчык адмову афiцыйных уладаў уключыць у склад тэрытарыяльных выбарчых камiсiяў прадстаўнiкоў 10 найбольш уплывовых апазiцыйных партыяў.

Спроба 10 найвялiкшых апазiцыйных партыяў дэманапалiзаваць працэдуру падлiку галасоў правалiлася. Афiцыйныя ўлады не дапусцiлi ў тэрытарыяльныя выбарчыя камiсii прадстаўнiкоў палiтычных партыяў. Гэта стала зразумела пасля зацвярджэння складу камiсiяў, якое адбылося ў панядзелак. На практыцы гэта азначае: улады будуць лiчыць галасы выбаршчыкаў самастойна, што, як сведчыць досвед выбараў у Палату прадстаўнiкоў i выбараў у мясцовыя саветы, адкрывае ўладам шырокую прастору для фантазii. Паводле звестак каардынатара мiжпартыйнага цэнтру Вячаслава Сiўчыка, менш за 10 % ад прапанаваных 600 сяброў палiтычных партыяў патрапяць у тэрытарыяльныя выбарчыя камiсii. «Уладам не патрэбныя партыйныя вочы i вушы, якiя адсочвалi б працэсы фальсiфiкацыi»,– заяўляе Сiўчык. – Былi зацверджаны спiсы, падрыхтаваныя Адмiнiстрацыяй прэзыдэнта i праведзеныя праз вертыкаль. У спiсы патрапiлi толькi тыя людзi, якiя маюць досьвед фальсiфiкацыяў у часе выбарчых кампанiяў у Беларусi.