У вёсцы Студзенiкi, што знаходзiцца на ўскрайку Белавежскай пушчы, упершыню здарыўся незвычайны выпадак. Статак зуброў напаў на калгасны статак кароў.

У вынiку дзве каровы былi смяротна пакалечаны. Iх давялося дарэзаць. Кiраўнiцтва племсаўгаса «Новы Двор» ацэньвае ўрон, нанесены зубрамi, сумай у 38 млн. рублёў, паколькi былi не толькi пакалечаны каровы, а яшчэ i вытаптаны пасевы.