Кiраўнiк малога прадпрыемства «Дызайн» Рычард Груша падарыў лiдскаму гiсторыка-мастацкаму музею манументальную скульптуру – Благаслаўленне Зямлi. Яна выканана з камеля таполi вышынёй 3,5 метра i абхватам рук двух дарослых чалавек.

Незвычайны падарунак выгружалi пад’ёмным кранам, пасля чаго 12 грузчыкаў пры дапамозе спецыяльных прыстасаванняў паўдня цягнулi яе на другi паверх музея. Сам твор уяўляе сабой велiчны сiмвал прыроды, якая благаслаўляе Дзеву Марыю з младзенцам Iсусам Хрыстосам на руках.