Дата

Мiжнародная канферэнцыя ЮНЕСКО ў Парыжы прыняла рашэнне шырока адзначыць у наступным годзе 200-лецце з дня нараджэння Iгнацiя Дамейкi, ўраджэнца маёнтка Заполле Лiдскага раёна.

Яго iмя ўключана ў спiс юбiляраў славутых людзей свету. Нарадзiўся наш зямляк у 1802 годзе. Лёс закiнуў яго ў Чылi, дзе славуты географ i геолаг стаўся адным з першых даследчыкаў гэтай краiны. Больш таго, ён стаў нацыянальным героем Чылi i ў Санцьяга – сталiцы, i зараз стаiць ягоны помнiк.