| Мифы | Авторынок | Гостевая | Редакция | Контакт | Архив |
 |
|
| Обновление каждый четверг | |
|
Ашмяны Звальняюць з завода. Дзе працаваць?У Ашмянах абвешчана пра скарачэнне 42 працоўных мясцовага заводу «Радыётэхнiка».
Вестка пра скарачэнне сталася непрыемным сюрпрызам для ўсяго працоўнага калектыву «Радыётэхнiкi». Старшыня прафсаюзнага камiтэту заводу Iван Амбражэвiч кажа, што 42 чалавекi – гэта амаль 10 працэнтаў ад агульнай колькасцi працаўнiкоў. Будуць скарачацца iнжынерна-тэхнiчныя работнiкi i работнiкi дапаможных службаў. Матывацыя такая, што ў сувязi з дрэнным эканамiчным становiшчам, быццам узнiкла патрэба прывесцi ў адпаведнасць колькасць рабочых, якiя непасрэдна працуюць за станком i якiя абслугоўваюць iх.
Ашмянскi завод вырабляе радыётэхнiчную прадукцыю для такiх прадпрыемстваў Беларусi як, напрыклад, МТЗ, МАЗ, БелАЗ. Гэтае партнёрства, аднак, сёлета сталася для «Радыётэхнiкi» стратным.
Таму што былi замарожаныя цэны на прадукцыю перад выбарамi. На заводзе iх не маглi самастойна падвысiць. Цэны на сыравiну i камплектуючыя вырабы раслi, а цана на нашу прадукцыю амаль цягам паўгода заставалася без зменаў. На наступную зарплату крэдыт трэба будзе браць у банку.
На «Радыётэхнiцы» ўжо два месяцы не выплочваюцца заробкi. На мiнулым тыднi рабочыя выказалi сваё незадавальненне. На завод прыехала шмат начальства. Працоўнаму калектыву была паабяцаная фiнансавая дапамога. Аднак пакуль гэтыя абяцаннi не спраўдзiлiся. I зараз высвятляецца: улады для пераадолення фiнансавага крызiсу параiлi адмiнiстрацыi прадпрыемства скарацiць частку працоўнага персаналу.
Тых, хто патрапiць пад гэтае скарачэнне, чакаюць наперадзе сур’ёзныя выпрабаваннi. У мястэчку Ашмяны цяжка працаўладкавацца. На сённяшнi дзень у Цэнтры занятасцi ўжо зарэгiстраваны 143 беспрацоўныя. Цi гатовы цэнтр занятасцi прапанаваць працу яшчэ 42 чалавекам, якiх звольняць з «Радыётэхнiкi»?
М.МIКАЛАЙЧЫК |
|