Сёння спаўняецца 40 гадоў як у Гродне бальшавiцкiмi ўладамi быў узарваны касцёл Фара Вiтаўта. Гэта быў першы касцёл, збудаваны ў нашым горадзе, i пакуль касцёл iснаваў, ён лiчыўся фарным (цэнтральным). З гэтае нагоды група гарадзенцаў падала заяўку ў гарвыканкам на правядзенне мiтынгу «Без гiсторыi – няма будучага» побач з плошчай Савецкай, на месцы, дзе некалi стаяў касцёл, 29 лiстапада ў 17.30. Гарадскiя ўлады адмовiлi ў правядзеннi мерапрыемства, спаслаўшыся на колiшняе рашэнне гарвыканкама аб тым, што месца для правядзення сходаў i мiтынгаў устаноўлена ў парку 40-годдзя камсамола.

Цяпер Фару Вiтаўта можна пабачыць толькi на здымках. З фундацыi князя Вiтаўта ён быў пабудаваны да пачатку ХУ ст. Тады гэта быў яшчэ драўляны касцёл, але па прызнанню папскай нунцыi Кантэльмi (1586 г) – з’яўляўся самым вялiкiм i самым прыгожым драўляным касцёлам у Вялiкiм Княстве Лiтоўскiм. Пазней яго неаднойчы перабудоўвалi. Месца, побач з плошчай Савецкай, дзе ён некалi ўзвышаўся, пустое. Цяпер тут збiраюцца падлеткi, выпiвохi, ды проста гуляюць з сабачкамi. Лёс гэтага па-сапраўднаму знакавага храма на працягу ўсёй ягонай гiсторыi даволi трагiчны. Нагадаю, што са зменай улады ў краiне касцёл напачатку ХХ стагоддзя быў перабудаваны ў царкву, а затым, зноўжа са зменай улады, у касцёл. I толькi бальшавiкi ў 1961 годзе ў ноч з 28 на 29 лiстапада ўзарвалi храм. Рыхтавалiся яны да гэтага доўга. З Ленiнграду прывезлi спецыяльную брыгаду вайскоўцаў i дзьве тоны выбуховага рэчыва. Цэлы месяц свiдравалi ў фундаменце дзiркi ды закладвалi ў iх узрыўчатку. Кiравала гэтай справай, дарэчы, жанчына. Кнопка, нацiснуўшы якую разбурылi Фару Вiтаўта, знаходзiлася ў будынку бiблiятэкi на Савецкай плошчы. Выбух прагрымеў а палове другой уначы. Касцёл асеў, а крыж, як быў, вертыкальна ўваткнуўся ў зямлю i застаўся стаяць. Шмат здзекаў пацярпеў ад людзей касцёл за час свайго iснавання, але толькi бальшавiкi дадумалiся ўзарваць яго...