На мiнулым тыднi Гродзенскi суд Ленiнскага раёну вынес рашэнне аб пакараннi мастака Дзмiтрыя Iваноўскага за ўдзел i арганiзацыю несанкцыянаванага мiтынгу 29 лiстапада. Згодна рашэнню суда, мастак павiнен выплацiць штраф у памеры 150 «мiнiмалак», што на сённешнi дзень складае 1,5 мiльёны рублёў.

29 лiстапада споўнiлася 40 гадоў з моманту, калi камунiстычныя ўлады знiшчылi адну з старажытных беларускiх святынь – Фару Вiтаўта. Да гэтай падзеi i меркавалася прысвечыць мiтынг пад назвай «Без мiнулага няма будучынi», але Гродзенскi гарвыканкам адмовiў у правядзеннi акцыi. Лiст з адмовай прыйшоў да арганiзатараў пазней за вызначаны Законам тэрмiн, i арганiзатары не паспелi папярэдзiць людзей аб рашэннi выканкама. Калi на запланаваным месцы сабралiся людзi, Дзмiтрый Iваноўскi паведамiў iм, што мiтынг несанкцыянаваны, рассказаў, чаму менавiта ў гэты дзень планавалася яго правесцi. Сваю прамову ен скончыў словамi: «Давайце памолiмся разам!».