Суды

У галоўнага рэдактара зачыненай уладамi гарадзенскай газеты «Пагоня» апiсана ўласная маёмасць: пральная машына, тэлевiзар, пылесос. Судовы выканаўца паставiў яму ўмовы заплацiць штраф у 500 тысяч рублёў да 18 лютага, iнакш маёмасць будзе канфiскавана.

Асудзiлi М.Маркевiча за ўдзел у акцыi, падчас якой гарадзенцы выказвалi сваё стаўленне да рашэння Вышэйшага гаспадарчага суду РБ, якi прыпынiў дзейнасць газеты. М.Маркевiч стаяў разам з усiмi сабраўшымiся ў ланцугу на тратуары па вулiцы Савецкай. Але мiлiцыянеры палiчылi яго арганiзатарам i склалi пратакол. Суд вынес адпаведнае рашэнне. Цiкава, што судовыя выканаўцы прыйшлi да Маркевiча пасля 19 гадзiн вечара. Аказваецца, яны працуюць цi не круглыя суткi. Паўгадзiны таму Мiкола вярнуўся з ЗША, дзе знаходзiўся па запрашэнню Мiжнароднай лiгi па правах чалавека.