Былому франтавiку, 78-гадоваму iнвалiду Вялiкай Айчыннай вайны Iвану Антонавiчу Пахутку Скiдзельская ўрачэбна-кансультатыўная камiсiя адмовiла па стану яго здароўя ў праве кiраваць аўтамабiлям. Згодна гэтаму заключэнню Iван Антонавiч не мае права на атрыманне бясплатнага спецаўтатранспарта.

Па словах Iвана Антонавiча, яшчэ пяць гадоў таму ён звярнуўся, як iнвалiд вайны, у органы сацыяльнага забеспячэння з тым, каб вырашыць праблему спецаўтатранспарта. На подступах да Берлiна ў адным з цяжкiх баёў Iван Антонавiч быў цяжка паранены ў абедзве нагi i левую руку. У шпiталi знаходзiўся больш шасцi месяцаў, пасля чаго камiсавалi, прызначыўшы другую групу iнвалiднасцi. Больш за чвэрць стагоддзя франтавiк працаваў у пазаведамаснай ахове. Па стану здароўя выйшаў на заслужаны адпачынак. Жыве ён з сям’ёю на хутары, i нават за хлебам даводзiцца дабiрацца за 7 кiламетраў. Аднак ў органах сацзабеспячэння сказалi, што трэба пачакаць пяць гадоў. Чакаў, мучыўся. Прыйшоў час, пайшоў iзноў, цяпер кажуць, што не можаш кiраваць аўтамабiлем.