У Кастрычнiцкi райаддзел унутраных спраў паступiла заява ад непрацуючага жыхара Гродна.

Ён заявiў, што 22 лютага каля 5 гадзiн ранiцы побач з начным клубам на яго напалi трое невядомых. Збiлi i абрабавалi. Забралi 250 даляраў, залаты пярсцёнак i мабiльны тэлефон. Мiлiцыя «па гарачых слядах» выявiла i затрымала нападаўшых. Iмi аказалiся маладыя хлопцы, якiя жывуць у вёсках Свiслач i Квасоўка, а таксама адзiн гродзенец. Цяпер за свае дзеяннi прыйдзецца адказваць, бо ўзбуджана крымiнальная справа.