Адкуль жа ўзялiся ў Апанаса Пятровiча такiя каштоўныя рэчы? Французскi гадзiннiк i бронзавы электрасвяцiльнiк перайшлi па спадчыне ад дзядзькi Максiма Федаравiча Краўцэвiча, якi жыў у Ленiнградзе. Ад яго дасталiся i рэдкiя лiтаратурныя выданнi, якiя таксама можна аднесцi да антыкварыяту.

– З усiх антыкварных рэчаў, – гаворыць Апанас Пятровiч, – я вельмi цаню пiшучую машынку «Канцiненталь» нямецкай вытворчасцi, якая мне служыць ужо больш за паўстагоддзя без усялякага рамонту. З яе дапамогай я аддрукаваў i выдаў да дзесяцi кнiжак, незлiчоную колькасць публiкацый у газетах i часопiсах. А дасталася яна мне выпадкова, калi вярталiся з Нямеччыны савецкiя ваеннапалонныя. У аднаго з iх я i набыў гэтую пiшучую машынку. Праўда, прыйшлося толькi замянiць лацiнскiя лiтары на беларускiя. Да гэтага часу мне верна служыць i французскi насценны гадзiннiк з тыднёвым заводам, дакладна паказваючы час. А з дапамогай бронзавага электрасвяцiльнiка я напiсаў не адну кнiжку, заседжваючыся да першых пеўняў».

Вiдавочна, чытачам цiкава будзе даведацца аб асабiстым жыццi i быце Апанаса Пятровiча. Жыве ён у невялiчкай хатцы прысядзiбнага тыпу, у якой заўжды цёпла, утульна. Зямельны участак дагледжаны i прыносiць карысць гаспадару. Ужо каля трох дзесяцiгоддзяў Апанас Пятровiч захапляецца i аматарскiм пчалярствам .

I хаця жыве ён адзiн, але не застаўся ў адзiноце. У яго многа сяброў, якiя прыходзяць да яго за парадай. Апанас Пятровiч – часты госць многiх культурных iмпрэз у горадзе i раёне, куды яго запрашаюць. Iлья БарысаЎ