Ад студзеня на былым ваенным заводзе «Радыётэхнiка» у Ашмянах раз-пораз праходзяць стыхiйныя страйкi: рабочыя цягам апошнiх гадоў яшчэ нiколi не атрымлiвалi своечасова i без таго мiзэрныя заробкi. Але зараз кiраўнiцтва прадпрыемства пачало звальняць тых, хто заклiкаў дамагацца сваiх правоў радыкальнымi метадамi.

Апошнi раз супрацьстаянне памiж рабочымi «Радыётэхнiкi» i кiраўнiцтвам узнiкла днямi. Дырэктар заводу Вацлаў Баркоўскi прыгразiў, што будзе звальняць кожнага, хто пачне падбухторваць астатнiх да непадпарадкавання. Скарачэннi на заводзе адбываюцца пастаянна: ад ранейшай паўтысячы рабочых засталося трыста.