ІЎЕ

Такога хвалявання Iрына Мулiца, жыхарка вёскi Лiпнiшкi Iўеўскага раёну даўно не адчувала. Нядаўна яе запрасiлi ў амбасаду Iзраiля ў Беларусi i ва ўрачыстай абстаноўцы ўручылi дыплом i медаль «Праведнiка народаў свету». Гэтай высокай адзнакi ўдастоiлiся пасмяротна i бацькi жанчыны за выратаванне яўрэяў у час Другой сусветнай вайны.

Дарэчы, ў 90-х гадах у алеi праведнiкаў у Iерусалiме з’явiлася прозвiшча мясцовай сялянкi Марыi Цiхон, якая таксама ратавала яўрэяў у час вайны. Яна таксама родам з Лiпнiшак.