Ашмяны

Журналiсты ашмянскай раённай газеты падчас сустрэчы з сваiмi чытачамi ў Барунскiм сельскiм савеце былi нечакана ўражаны бядотным станам жыхароў мясцовых вёсак.

Са сваёй бядой да iх звярнулася жыхарка вёскi Загарняты Т.Клышэўская i распавядала, што яе малодшы сын лечыцца ў абласной бальнiцы, занядужыў i старэйшы сын. На паездку ў Гродна i лекi патрэбны немалыя грошы. Адны мазi, якiя выпiсалi ўрачы, каштуюць каля 30 тысяч рублёў. А заробак сялянка ў калгасе не атрымлiвала яшчэ са снежня мiнулага года. Хоць плач, хоць крычы, а ў Барунах на гэта нiхто не звяртае ўвагi.