Два важных судовых працэса распачалiся ў мiнулы чацвер у Гродне. Яны прэтэндуюць на тое, што могуць зрабiць прэцэдэнт у сучасным беларускiм правасуддзi.

Адзiн з iх разглядаецца ў судзе Ленiнскага раёна Гродна. Грамадзяне С.Нех i Змiцер Iваноўскi падалi скаргу на рашэнне Гродзенскага гарвыканкама за тое, што iм было адмоўлена ў правядзеннi пiкета «Маю права!» з мэтай азнаямлення гродзенцаў з правамi чалавека. У рашэннi гарвыканкама адмова матывуецца тым, што, маўляў, грамадзяне Нех i Iваноўскi неаднойчы парушалi адмiнiстрацыйны кодэкс i прыцягвалiся да адмiнiстрацыйнай адказнасцi, а таму гарвыканкам «папярэджвае грамадзян Нех С.С., Iваноўскага Д.П., што пад адказнасць вышэйназваных асобаў Гродзенскi выканаўчы камiтэт не будзе даваць згоду на правядзенне грамадскiх акцый». Суд адклалi, не назваўшы пакуль даты.