З нагоды дзён Еўрапейскай спадчыны, што адзначаюцца ў вераснi, МГА «Гiсторыка» у Гродне плануе правесцi прыборку Каложы i наваколля. Акцыя плануецца на 28 верасня.

Не так даўно тэрыторыю вакол старажытнай царквы пачалi пацiху ўладкоўваць, аднак да смецця, што ляжыць вакол, так справа i не дайшла. Прыборка, што пройдзе 28 верасня, яшчэ адна спроба зрабiць Каложу чыстай. I не толькi Каложу. Побач з ёю усталяваны помнiк ў гонар перамогi беларускiх ваяроў над тэўтонскiм ордэнам пад час Грундвальскай бiтвы. Ён таксама «мае права на чысцiню». Аднак так атрымлiваецца, што менавiта вакол яго заўсёды вельмi шмат смецця. Гэта абумоўлена прыгожым краявiдам, што адсюль адкрываецца i любiмай звычкай гродзенцаў кiдаць смецце сабе пад ногi.