Яго ўсталявалi 15 верасня ў вёсцы Белiца Лiдскага раёну з iнiцыятывы Таварыства беларускай мовы. Крыж прысвечаны падзеям вайны 17 стагоддзя (1659 год), калi маскоўскае войска ўварвалася на беларускiя землi.

Старшыню Лiдскай арганiзацыi Таварыства беларускай мовы Станiслава Суднiка выклiкаюць у райвыканкам. З выканкаму ён атрымаў паперу. У ёй сцвярджаецца, што крыж у вёсцы Белiца ўсталявалi з парушэннем заканадаўства. Парушаны нiбыта Кодэкс аб зямлi, жнiвеньскi указ прэзiдэнта – аб парадку забрання зямлi. А таксама ўрадавая пастанова наконт твораў манументальнага мастацтва i рашэнне аблвыканкаму – пра размяшчэнне культавых збудаванняў.