Ашмяны

Ашмянскiя ўлады аказваюць цiск на мясцовага актывiста дэмакратычных арганiзацыяў Пятра Явiдовiча. Ён лiчыць, што такiм чынам улады хочуць прымусiць яго адмовiцца ад намеру браць удзел у мясцовых выбарах.

Напярэдаднi выбараў у мясцовыя саветы ашмянскiя ўлады пачалi праяўляць асаблiвую пiльнасць да дзейнасцi актывiстаў палiтычных партыяў i грамадскiх арганiзацыяў. Па словах кiраўнiка ашмянскага грамадскага рэсурсавага цэнтру i актывiста Беларускага Хельсiнскага камiтэту Пятра Явiдовiча, «пачаўся прэсiнг на тых людзей, якiя пачалi сябе актыўна праяўляць у грамадскiм жыццi. Грамадскiя арганiзацыi i партыi iдуць на выбары. У нашым раёне iду не толькi я адзiн, а цэлае кола маiх сяброў – грамадскiх дзеячаў. I пачаўся прэсiнг. Пачынаецца праверка нейкiх маiх фiнансавых справаў, якiя тычацца абмену кватэры. Мiлiцыя цiкавiлася, правяралi дакументы, каб знайсцi нейкую справу, каб я не пайшоў у дэпутаты».