Значная частка грамадзянаў Беларусi раз-пораз выстойвае вялiзныя чэргi ў калiдорах гэтак званых АВIРаў, каб памяняць запоўнены вiзамi пашпарт на новы. Гэта найперш людзi, якiя паводле прафесiйных абавязкаў цi па справах бiзнесу часта выязджаюць па-за межы Беларусi. Так, статыстыка сведчыць, што кiроўцы-дальнабойшчыкi вымушаныя мяняць пашпарты 2-3 разы на год. Тое самае i са спартоўцамi. Частыя госьцi АВIРаў – гэтак званыя «чаўнакi», бiзнесоўцы, палiтыкi: практычна кожны ваяж за мяжу для iх распачынаецца з уклейвання ў пашпарт вiзы краiны прызначэння, якая займае цэлую старонку. А iх у цяперашнiм пашпарце толькi 16. У пашпартна-вiзавай службе МУС кажуць, што паратунак у дадзенай сытуацыi толькi адзiн – увядзенне адмысловага пашпарту дзеля выездаў за мяжу. Пры гэтым грамадзяне будуць мець яшчэ асобны пашпарт дзеля ўнутранага карыстання з адзнакамi пра прапiску, шлюб, дзяцей. Радыё Свабода