Сумная вестка прыйшла на Навагрудчыну: заўчасна памёр сын гэтай зямлi архiепiскап Тамбоўскi i Мiчурынскi Яўгенiй (у мiры Ждан Яўгенiй Барысавiч). Ён нарадзiўся ў 1942 годзе. Закончыўшы зубаўрачэбнае вучылiшча, працаваў у стаматалагiчных клiнiках, служыў у войску.

Затым у жыццi нашага земляка наступiў новы этап. Яўгенiй Барысавiч вучыцца i паспяхова заканчвае Ленiнградскую духоўную семiнарыю, там жа – аднайменную духоўную акадэмiю, а ў 1979 годзе – аспiрантуру Маскоўскай духоўнай акадэмii. Адначасова з вучобай у Маскве працаваў у аддзеле знешнiх царкоўных сувязяў Маскоўскага Патрыярхата. Потым выкладаў у Ленiнградскай духоўнай акадэмii i адначасова з’яўляўся сакратаром Ленiнградскага епархiальнага ўпраўлення.