Першы юбiлей Дома польскага адзначыла грамадскасць Лiды. Споўнiлася пяць гадоў, як у старажытным горадзе быў пабудаваны i адкрыты гэты асяродак культурна-асветнiцкай работы мясцовых палякаў.

Зараз пры Доме польскiм працуе шмат самадзейных гурткоў i калектываў. Мастацкiя гурты Дома польскага рэгулярна выступаюць у Лiдзе i вёсках раёна, у Гродне i ў суседняй Польшчы. Яны знаходзяцца пад апекай тутэйшага аддзела Саюза палякаў, якi налiчвае 2400 сябраў.