З Навагрудскага раёна ў Гродзенскi заапарк прывезлi параненага лебедзя, якi ледзь не замерз ад марозаў. Яго выратаваў чалавек.

На параненага лебедзя надышоў у полi адзiн з жыхароў вёскi Гагарына якраз перад наступленнем маразоў. Чалавек прынёс знясiленага прыгажуна ў хлеў i паведамiў аб гэтым навагрудскiм прыродаахоўнiкам. Супрацоўнiкi iнспекцыi прыродных рэсурсаў i аховы навакольнага асяроддзя разам з работнiкамi лясгаса выехалi на месца, агледзелi птушку i аказалi дапамогу. Пасля гэтага лебедзь быў адвезены ў Гродзенскi заапарк.