Без ласкi мясцовай улады зарабiў сабе грошай на дэкарацыi i касцюмы ўзорны тэатр «Пунсовыя ветразi» Белiцкага сельскага Дома культуры.

Калектыў на чале з Валерыям Меляхаўцом пабываў са спектаклям «Кот у ботах» на гастролях у Брэсцкай вобласцi. I вярнуўся дамоў з грашовай выручкай. Акрамя гэтага i спектаклi прайшлi даволi ўдала. Мясцовыя ўлады не скупiлiся на пахвалы для тэатра.