У суботу ў Гродне супрацоўнiкi мiлiцыi забралi ў Валерыя Леванеўскага – дзеяча прадпрыймальнiцкага руху – рызограф i каля 1000 асобнiкаў бюлетэню «Предприниматель». Нагодай для прыходу мiлiцыянтаў на кватэру з’явiлася вялiкая колькасць улётак, якая распаўсюджваецца ў горадзе i краiне ад iмя незарэгiстраванага стачкама прадпрыймальнiкаў. Рызограф i друкаваная прадукцыя знаходзiлiся на кватэры, якую здымаў Леванеўскi на вулiцы Лiможа. Мiлiцыянты завiталi туды з вобыскам да 22.00. Там знаходзiўся сын В.Леванеўскага – Дзмiтрый.

Згодна з беларускiм заканадаўствам, уласнiк павiнен мець дазвол на набыццё рызографа, а таксама лiцэнзiю на палiграфiчную дзейнасць. Як высветлiлася, падобных дакументаў у Леванеўскага не было.