| Мифы | Авторынок | Гостевая | Редакция | Контакт | Архив |
 |
|
| № 267 от 20.03.2003 | |
|
IЎЕ Брыльянтавае вяселле ў ЛаўкенікахТакiя вяселлi становяцца цяпер сапраўднай падзеяй на ўвесь раён.
У вёсцы Лаўкенiкi, што ў Iўеўскiм раёне, адбылася незвычайная сямейная ўрачыстасць. Прысвячалася яна 60-годдзю сумеснага сямейнага жыцця Генаэфы Бранiславаўны i Iосiфа Мiхайлавiча Яраловiчаў. З гэтае нагоды ў сялянскай хаце сабралiся iх дзецi, унукi, праўнукi, сваякi i аднавяскоўцы. За святочным сталом гучалi тасты i пажаданнi, вiншаваннi, а таксама традыцыйныя воклiчы «Горка!».
Паяднаўшы свае лёсы шлюбам у далёкiм 1943 годзе, Яраловiчы многiя дзесяцiгоддзi пражылi ў любовi i згодзе, не дзелячы хатнiя клопаты на мужчынскую i жаночую працу. Генаэфа Бранiславаўна ў свой час, як перадавая звеннявая па вырошчванню лёну, абiралася дэпутатам Вярхоўнага савету Беларусi. Чым, дарэчы, вельмi ганарыцца Iосiф Мiхайлавiч, быццам ён быў членам ураду.
С.РАЦКЕВIЧ
|
|