7 сакавiка ў памяшканнi Гродзенскага Iнтэрнет-цэнтра «Мадэм» адбылася прэзентацыя кнiгi Вольгi Лабачэўскай «Беларускi ручнiк – повязь часоў». Пасля падзеi, якая супала са святам праваслаўнага Дабравешчання, прысутныя пад запеў хора «Бацькаўшчына» гукалi вясну.

Вольга Лабачэўская, мастацтвазнаўца з Мiнскага iнтытута праблем культуры, аўтарка i вядомай super-book «Беларуская саломка», прэзентавала ў Гродне сваю новую кнiгу «Беларускi ручнiк – повязь часоў». Па словах аўтаркi, кнiга прысвечана «беларускай сялянцы, захавальнiцы беларускай традыцыi». Яе прэзентацыя адбылася пакуль толькi ў Варшаве i Мiнску. Падчас сустрэчы ў Гродне Вольга Лабачэўская ў сцiслай форме распавяла пра адметнасцi беларускiх ручнiкоў-набожнiкаў ва ўсiх рэгiёнах Беларусi. Наогул, толькi ў нашай краiне iснуе такая багатая традыцыя выкарыстання ручнiкоў – ад простых уцiральнiкаў да вясельных, пахавальных i ручнiкоў на абразах. Праз узоры i арнаменты сялянская жанчына-ткачыха кадавала пажаданнi шчасця i квiтнення сям’i, цэламу роду i нават вёсцы.